د سرخرود مسلکي لېسې زده کوونکو ته د باغدارۍ په اړه په عملي بڼه روزنه ورکړل شوه
د ننګرهار ولایت اړوند د سرخرود ولسوالۍ کرنې مسلکي لېسې د یوولسم ټولګي زده کوونکو ته د قلمه کولو په اړه په عملي بڼه روزنه ورکړل شوه.
لارښود استاد نوموړو ته د درس په ترڅ کې د قلمه کولو د څرنګوالي په اړه په مفصله توګه توضیحات وړاندې کړل او د زده کونکو پوښتنو ته یې هم ځوابونه وویل.
عملي زده کړې له زده کوونکو سره مرسته کوي چې له فراغت وروسته په مستقیم ډول د کار بازار ته جذب شي، له همدې امله د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو بهیر لا پیاوړی کړي.
