د بلخ د تخنیکي او مسلکي آمریت مسؤلینو د انافي موسسې سره ناسته ترسره کړه
دبلخ ولایت د تخنیکی او مسلکي آمر محترم نورالله صلاح الدین امینی په دغه ولایت کې د انافي موسسې له یوه پلاوی سره ناسته ترسره کړه.
په دې کتنه کې د موبايل ترميم په برخه کې د لنډ مهاله حرفوي کورس د پيل پر څرنګوالي خبرې وشوې.
په یادې ناسته کې د انافي موسسې مسوولينو ژمنه وکړه چې د بلخ ولايت د تخنيکي او مسلکي زده کړو له مرکزونو سره به خپلو همکاريو ته دوام ورکړي.
په ورته وخت کې به د انافي موسسې په همکارۍ د بلخ ولایت د تخنیکي او مسلکي زده کړو په مرکزونو کې د مبایل ترمیم په ګډون بیلابیل لنډ مهاله حرفوي پروګرامونه په لاره واچول شي.
