د تخنيکي او مسلکي زده کړو سرپرست د پلټنې عالي ادارې له مسوولينو سره وکتل
د تخنيکي او مسلکي زده کړو سرپرست الحاج مولوي غلام حيدر شهامت د پلټنې عالي ادارې له يوه پلاوي سره وکتل.
دا پلاوی هر کال د اداراتو پلټنه و ارزونه ترسره کوي.
د دې مراسمو په پیل کې د پلټنې عالي ادارې د ټولنیزو مصؤنیت رئیس ښاغلي مولوي غازي جریر د تخنیکي او مسلکي زده کړو ادارې د لاسته راوړنو ستاینه وکړه.
هغه زیاته کړه: «د تخنیکي او مسلکي زده کړو ادارې فعالیتونه او لاسته راوړنې د مطبوعاتو او رسنیو له لارې تعقیبوي او د یادې ادارې ټول فعالیتونه د ستاینې وړ دي».
نوموړي د پلټنې عالي ادارې د موخو او پلانونو په اړه هم وضاحت ورکړ.
په همدې حال کې ښاغلي مولوي جرير دپلټنې د عالي ادارې له پلاوي سره د تخنيکي او مسلکي زده کړو له سرپرست څخه د همکاريو غوښتنه وکړه .
له بلې خوا الحاج مولوي غلام حيدر شهامت دتخنيکي او مسلکي زده کړو په اداره کې د پلټنې عالي ادارې د پلاوي دپيژندنې په مراسمو کې وويل چې له فساد سره مبارزه او د فساد مخنیوی دټولو ادارو مسولیت دی .
ښاغلي مولوي شهامت څرګنده کړه چې دتخنيکي او مسلکي زده کړو ټول رياستونه مکلف دي چې دپلټنې عالي ادارې له پلاوي سره بشپړه همکاري وکړي.
دغه راز دتخنيکي او مسلکي زده کړو ادارې سرپرست زياته کړه چې د نوموړي دفتر تل دپلټنې عالي ادارې د پلاوي پرمخ خلاص دى او دوى کولاى شي خپلې ستونزې له نږدې شريکې کړي .
