د تخنیکي او مسلکي زده کړو ادارې د لومړي نمبر لیلیې د بیارغونې چارو څخه څارنه ترسره شوه
د اطلاعاتو او عامه اړیکو آمر ښاغلي انجینر نجیب الله امین په مشرۍ د تخنیکي او مسلکي زده کړو ادارې یوه پلاوي د دغې ادارې د لومړي نمبر لیلیې د بیارغونې چارې څخه څارنه وکړه.
د کابل تخنيکي آمر انجنير رفيع الله حبيبي او د تخنيکي او مسلکي زده کړو ادارې د پلان او ستراتيژيکې همغږۍ رياست انجنيران د نوموړي پلاوي غړي دي.
دوی له کاري لاندې ساحو څخه لیدنه وکړه او د قراردادي شرکت له مسؤلینو سره یې پر یو شمېر مسایلو خبرې اترې هم وکړې.
د تخنیکي او مسلکي زده کړو ادارې پلاوي د څارنې موخه د قرارداد له مخې د پروژو پلي کول دي.
په پام کې ده چې نوموړی پلاوی خپل راپور د تخنیکي او مسلکي زده کړو ادارې له مشرتابه سره شریک کړې.
