مولوي غلام حيدر شهامت د بلخ ولايت د تخنيکي او مسلکي زده کړو اکاډمۍ وضعيت بررسي کړ
د تخنیکي او مسلکي زده کړو ادارې سرپرست ښاغلي مولوي غلام حیدر شهامت د بلخ ولایت د تخنیکي او مسلکي زده کړو د مرکزونو د وضعیت د ارزونې په دوام کې د بلخ د تخنیکي او مسلکي زده کړو له اکاډمۍ څخه لیدنه وکړه.
نوموړي د بلخ ولایت د تخنیکي او مسلکي زده کړو اکاډمۍ ته د خپل سفر په ترڅ کې د دغه ښوونیز مرکز له لیلیې څخه لیدنه وکړه.
ښاغلي شهامت همدارنګه د محصلینو لاسته راوړنې او نوښتونه وستایل او د نوښتګرو زده کوونکو او محصلینو څخه د هر ډول همکاري ژمنه وکړه.
د تخنيکي او مسلکي زده کړو ادارې سرپرست د تخنيکي او مسلکي زده کړو د اکاډمۍ محصلين وهڅول چې د دغې ادارې په نندارتون کې چې په راتلونکو ورځو کې جوړيږي، ګډون وکړي.
ښاغلی شهامت د تخنیکي او مسلکي زده کړو ادارې د پلاوي په مشرۍ دا مهال د بلخ ولایت د تخنیکي او مسلکي زده کړو د مرکزونو وضعیت بررسي کوي.
نوموړي پلاوي تر دې وړاندې په بغلان، کندز، تخار او سمنګان ولایتونو کې د تخنیکي او مسلکي زده کړو مرکزونه څېړلي دي.
