د کابل په ۱۰ مرکزونو او دوو ولایتونو کې د تخنیکي او مسلکي زده کړو لنډ مهاله حرفوي کورسونه په لاره اچول شوې
د تخنيکي او مسلکي زده کړو ادارې د حرفوي برنامو د سمون رياست په دې وروستيو کې د دغه ادارې په لسو ښوونيزو مرکزونو کې لنډ مهاله حرفوي کورسونه په لاره اچولې دي.
دغه روزنیز کورسونه اوس مهال د کابل ښار په انسټیټونو او هلمند او تخار ولایتونو کې جریان لري.
په دغه کورسونو کې د دری میاشتو لپاره د خیاطۍ او موبایل ترمیم زده کړې ورکول کیږي.
دغه روزنیز کورسونه د هیوادوالو د روزلو او د هغوی د کارموندنې په موخه په لاره اچول کیږي.
د دغه کورسونو ډیری فارغان له فراغت وروسته د یو کسب او دندې خاوندان کېږي.
