د تخنیکي او مسلکي زده کړو ادارې اصلاحي غونډه ترسره شوه
د تخنيکي او مسلکي زده کړو ادارې اونيزه اصلاحي غونډه د دغه ادارې د سرپرست مولوي غلام حيدر شهامت په وينا او د یادې ادارې د کارکوونکو په ګډون کې ترسره شوه.
مولوي شهامت په خپلو خبرو کې د الله تعالی د احکامو په اطاعت خبرې وکړې او کارکوونکو ته یې د خدای تعالی د حکمونو د عملي کولو سپارښتنه وکړه.
ښاغلي شهامت زیاته کړه چې د کامل مؤمن سیرت او صورت باید د خدای له احکامو او د رسول الله صلی الله علیه وسلم له سنتو سره سمه وي.
نوموړي دا هم وویل، چې یو کامل مسلمان باید تل په خدای توکل او قوي ایمان سره ژوند وکړي.
یاده غونډه د افغانستان د خلکو لپاره د خیر په دعا ویلو سره پای ته ورسیده.
