په کابل ښار کې د انسټیټونو تدریسي مامورینو لپاره د ظرفیت لوړونې برنامه په لاره واچول شوه
د کابل ښار د انسټیټونو تدریسی مامورینو ته د ظرفیت لوړونې دری ورځنی برنامه د تخنیکي او مسلکي زده کړو ادارې د بشري سرچینو ریاست د ادارې د پراختیا او ظرفیت لوړونې آمریت له خوا په لاره واچول شوه.
په دغه برنامه کې د کابل ښار د انسټیټونو تدریسی مامورینو ته د اداري مراسلاتو په برخه کې نوي مهارتونه تدریس کیږي.
د بشري سرچینو رئيس مولانا خالد يعقوبي وويل، چې د دغه پروګرام له جوړېدو څخه يې موخه د تدریسي مامورینو د ظرفيتونو لوړول او په اداري مراسلاتو په برخه کې د ځينو نيمګړتياوو له منځه وړل دي.
هغه زیاته کړه، د تخنیکي او مسلکي زده کړو د ښوونیزو مرکزونو مامورینو، استادانو او کارکوونکو لپاره د ظرفیت لوړونې پروګرامونه به دوام وکړي.
