په ننګرهار کې د اقتصاد ریاست، د خاصو زده کړو مرکزونو د ستونزو حل کولو لپاره ناسته ترسره کړه
د ننګرهار د والي ښاغلي ملامحمد نعیم آخند د هدایت په اساس، د دغه ولایت د اقتصاد ریاست، د خاصو زده کړو مرکزونو ستونزو ته د رسیدګۍ په موخه یوه مشورتي ناسته ترسره کړه.
دغه ناسته د کورنیو بنیادونو او مؤسسو لکه د اطفالو د خوندیتوب دفتر، د نابینایانو او ناشنوایانو اتحادیه، ډی آر سي او اچ اچ آر مؤسسو په حضور کې جوړه او په دغه ناسته کې په ننګرهار ولایت کې د ناشنوایانو او نابینایانو د ستونزو په حل کولو بحث او خبرې اترې وشوې.
په دغه جلسه کې بېلابېلو بنسټونو په ننګرهار ولایت کې د خاصو زده کړو مرکزونو، اړتیاوو او ستونزو ته له رسیدنې ډاډ ورکړ.
