په لوګر ولایت کې د لنډمهاله حرفوي زده کړو پروګرام دوام لري
د کمپیوټر ترمیم څانګې لنډمهاله حرفوي روزنیز پروګرام د لوګر ولایت اړوند د محمد آغې ولسوالۍ په کثیرالرشتوي انسټیټوټ کې دوام لري.
دغه لنډمهاله حرفوي روزنیز پروګرام د دې ولایت د ځوانانو د کارموندنې او د پوهاوي کچې د لوړولو په موخه پیل شوی دی.
دغه راز ددې روزنیز پروګرام ګډونوالو، د یاد پروګرام د ترسره کیدو څخه د قدرداني ترڅنګ د تخنیکي او مسلکي زده کړو ادارې له مسولینو څخه یې د لازیاتو روزنیزو پروګرامونو د ترسره کولو غوښتنه هم وکړه.
لنډمهاله حرفوي پروګرامونه زده کوونکو او محصلینو سره مرسته کوي چې له فراغت وروسته د کار په بازار کې دندې ترلاسه کړي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د لنډمهاله حرفوي پروګرامونو د ترسره کېدو او پلاره اچولو لړۍ لا زیاته پیاوړې کړي.
