په تخار ولایت کې د تخنیکي او مسلکي زده کړو ادارې لخوا د کار موندنې مرکز پرانیستل شو
په تخار ولایت کې تخنیکي او مسلکي زده کړو ادارې مسؤلینو د یو اقدام په ترڅ کې د هغو زده کړیالانو لپاره د دندې موندلو اومشوره دهۍ مرکز پرانیست چې د فراغت په درشل کې موقعیت لري.
د دې مرکز په پرانیست غونډه کې د تخنیکي او مسلکي زده کړو ادارې د مرکزي هستې یو شمیر مسؤلینو هم ګډون درلود.
د یادونې وړ ده چې د کارموندنې یاد مرکز د کار بازار ته د ننوتلو لپاره د زده کړیالانو د چمتو کولو په موخه جوړ شوی دی.
په ورته وخت کې، ټاکل شوې ده چې د تخنیکي او مسلکي زده کړو ادارې مسؤلین به د ۱۵۰ تنه محصلینو لپاره د « کارآفرینۍ » تر عنوان لاندې پنځه ورځني ښوونیز سیمینار هم پیل کړي.
دا په داسې حال کې ده چې د تخنیکي او مسلکي زده کړو ادارې رهبري تل هڅه کوي چې محصلینو ته د معیاري تخنیکي او مسلکي زده کړو په وړاندې کولو سره نوموړو د کار بازار د ننوتلو زمینه برابر کړي او زده کړیالان وکولی شي د دندو رامینځته کولو په برخه کې خپلې وړتیاوې وکاروي.
