د کنړ ولایت کرنې انسټیټوټ محصلینو ته د شاتو مچیو په اړه په عملي ډول روزنه ورکړل شوه
د کنړ ولایت د مروري کرنې انسټيټوټ محصلینو ته د شاتو مچیو د پالنې په اړه په عملي ډول روزنه ورکړل شوه.
لارښود استاد د یاد عملي درس به ترڅ کې محصلینو ته د شاتو مچیو د صندوق د وسایلو او د شاتو مچیو د کورنۍ په اړه په مفصل ډول معلومات وړاندې کړل.
د تخنیکي او مسلکي زده کړو په مرکزونو کې زیاتره زده کړې عملي دي، څو د تخنیکي او مسلکي زده کړو د مرکزونو فارغین په مستقیم ډول د کار بازار ته جذب شي.
په همدې حال کې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
