د کندهار کثیرالرشتوي انسټیټوټ د محصلینو له لوري د عملي روزنو د زده کړې بهیر
علمي سفرونه هغو مشاهداتو او معلوماتو ته ویل کېږي چې د درسي موضوع سره تړاو لري او محصلین یې د نظری زده کړو څخه وروسته په عملي توګه له ټولګي څخه بهر ترلاسه کوي یاد سفرونه په ټولګي کې د پوښل شوي موضوعاتو ښه زده کړې ته لار هواروي.
له همدې امله، د کندهار ولایتي کثیرالرشتوي انسټیټوټ د ادارې او مدیریت څانګې محصلینو د یاد ولایت سبا پوهنتون ته د یو علمي سفر په ترڅ کې د مدیریت په برخه کې عملي روزنه ترلاسه کړه.
نوموړو په دې درسي جلسه کې د وخت مدیریت، د اداري پروژو مدیریت، او اداري سیسټمونو په اړه په عملي او تفصیلي بڼه روزنه ترلاسه کړه.
دغه راز د د دې درسي جلسې په دوام کې محصلینو خپلې پوښتنې او سوالونه هم شریک کړل، چې د هغوی پوښتنو ته د لارښود استاد او د کندهار سبا پوهنتون د مدرسینو لخوا په مفصله توګه ځوابونه ورکړل شول.
د تخنیکي او مسلکي زده کړو په مرکزونو کې عملي زده کړې د دې مرکزونو فارغانو ته د کار زمینه برابروي. له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
