د کابل اتو میخانیکي اکاډمۍ کې د لنډ مهاله حرفوي کورس له لومړۍ دورې څخه ۷۰ تنه فارغ شول
د کابل اتو میخانیکي اکاډمۍ کې د لنډ مهاله حرفوي کورس له لومړۍ دورې څخه ۷۰ تنه فارغ او په ورته وخت کې، د دغه کورس دوهم پړاو د ۱۰۰ نورو کسانو لپاره پیل شو.
په دغه ښوونیزه برنامه کې خیاطي حرفه تدریس کیږي.
د تخنیکي او مسلکي زده کړو ادارې د حرفوي برنامو د سمون رئیس عبدالودود هوتک په اتو میخانیکي اکاډمۍ کې د لنډ مهاله حرفوي کورس د دویم پړاو د پیل په مراسمو کې وویل، خیاطي یو مناسب او ګټور کسب دی.
ښاغلي هوتک د لنډ مهاله حرفوي کورسونو اغیزمنتوب ته په اشارې سره وویل چې تخنیکي او مسلکي زده کړو اداره هڅه کوي چې دغه کورسونه پراخ کړي.
د تخنيکي او مسلکي زده کړو ادارې په لنډ مهاله کورسونو کې د خیاطي، د موبايلو ترميم، فلزي کار او سولرو سيسټم تدريس کيږي.
د تخنيکي او مسلکي زده کړو ادارې د حرفوي برنامو د سمون رئيس وويل چې دغه اداره هڅه کوي چې په لنډ مهاله کورسونو کې نوي څانګې جوړې او دغه کورسونه معياري کړي.
