د پکتیا ولایت اړوند مرکز کثیرالرشتوي انسټيټوټ د محصلینو د عملی زده کړو بهیر
د پکتیا ولایت اړوند مرکز کثیرالرشتوي انسټيټوټ د تعمیراتو څانګې محصلینو ته د یاد ولایت زم زم پوهنتون لابراتوار ته د علمي سفر په ترڅ کې د قیر ریزۍ په اړه په عملي بڼه روزنه ورکړل شوه.
لارښود استاد او د زم زم پوهنتون د لابراتوار مسؤلینو د درس پر مهال محصلینو ته د سړک د قیر ریزۍ او د تعمیراتو د وسایلو په اړه هر اړخیز معلومات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده ځرنګه چې د تخنیکي او مسلکي زده کړو د مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
