د پلان او ستراتیژیکې همغږۍ ریاست د اسلامي آزاد پوهنتون سره ناسته ترسره شوه
د تخنيکي او مسلکي زده کړو ادارې د پلان او ستراتيژيکې همغږۍ رئيس مولوي نيک محمد نېکمل د ايران د اسلامي آزاد پوهنتون له رئيس ډاکټر جهانتيغ سره وکتل او خبرې اترې یې ورسره وکړې.
په دغې کتنه کې د ژمنو پر تعقیب خبرې وشوې او پرېکړه وشوه چې د ګډو همکاریو د هوکړه لیک د لاسلیکولو په اړه دې کار نهايي شي.
د ایران اسلامي آزاد پوهنتون د حرفوي کورسونو او د تخنیکي او مسلکي زده کړو په اداره کې د څیړنیز مرکز د جوړولو په ګډون په بېلابیلو برخو کې ژمنې کړي دي.