د نابینایانو انسټیټوټ له زده کوونکو سره د یوې خیریه مؤسسې له خوا نغدي مرسته وشوه
په کابل کې یوې خیریه مؤسسې د روښان زړو/نابینایانو انسټیټوټ له دوه سوه زیاتو زده کوونکو سره نغدي مرسته وکړه.
په کابل کې د روښان زړو/ نابینایانو انسټیټوټ آمر انجنیر نورمحمد فیضي د دغه انسټیټوټ پر زده کوونکو د پیسو د ویش پرمهال وویل، چې هر محصل ته ۱۱۰۰ افغانۍ ویشل شوي دي.
ښاغلي فیضي دا هم وویل چې هڅه کوي د نابینایانو انسټیټوټ محصلینو ته لا زیاتې مرستې راجلب کړي.
له بلې خوا د کابل ولايت تخنيکي آمر رفيع الله حبيبي د انجنير فيضي هلې ځلې وستايلې او زياته يې کړه چې نابینایان د ټولنې وړ قشر دی او بايد ورته زياته پاملرنه وشي.
