د نابینایانو انسټیټوټ سره د هیواد د یوه خیریه بنسټ د مالي همکارۍ ژمنه
د تخنيکي او مسلکي زده کړو ادارې د پلان او ستراتيژيکي همغږۍ رئيس مولوي نېک محمد نېکمل د جراحۍ له متخصص ډاکټر ايمل صافي او خیریه خلکو سره وکتل او د نابینایانو انسټیټوټ سره يې د همکارۍ په اړه خبرې اترې وکړې.
ښاغلي صافي په کابل ښار کې د نابینایانو له انسټیټوټ څخه هم لیدنه وکړه او د یاد انسټیټوټ له مسئولینو سره یې خبرې اترې وکړې.
نوموړي د یاد انسټیټوټ د بيارغونې په برخه کې د همکارۍ په موخه د نابينايانو د انسټيټوټ د آمر غوښتنې ته مثبت ځواب ووايه او د همکارۍ ژمنه يې وکړه.
ټاکل شوې ده چې د ښاغلي صافي په مالي همکارۍ د نابینایانو په انسټیټوټ کې یو مجهزه وضوخونه جوړه کړې.
