د مالي او اداري چارو مرستیال لخوا د کندز د تخنیکي او مسلکي زده کړو له مرکزونو څخه لیدنه او څارنه وشوه
د تخنیکي او مسلکي زده کړو ملي ادارې مالي او اداري مرستیال د یادې ادارې د یوه پلاوي په مشرۍ کندز ولایت ته د خپل سفر په ترڅ کې د کندز ولایت د تخنیکي او مسلکي زده کړو د مرکزونو له مسوولینو سره لیدنه وکړه.
ښاغلي مفتي فاضل او ورسره پلاوي د کندز ولایت د مرکز اړوند تخنیکي او مسلکي انسټيټوټ او د یاد ولایت د ادارې او حسابدارۍ له انسټيټوټ څخه هم لیدنه وکړه.
د هېواد بېلابېلو ولایتونو ته د تخنیکي او مسلکي زده کړو ملي ادارې د پلاوي د سفر موخه د تخنیکي او مسلکي زده کړو د مرکزونو د ستونزو او ننګونو حل ویل شوی دی.
