د فراه تخنیکي او مسلکي انستیتوت محصلینو د «برق» په اړه روزنه ترلاسه کړه
د فراه ولایت اړوند تخنیکي او مسلکي انسټيټوټ د برښنا څانګې محصلینو ته د « درې فازه بریښنا » په اړه په عملي بڼه روزنه ورکړل شوه.
لارښود استاد د دې درسي جلسې په ترڅ کې، نوموړو ته د « درې فازه بریښنایي موتورونو په کار اچولو » په اړه مفصل توضیحات وړاندې کړل.
دغه راز د درس په دوام کې، د استاد لخوا د محصلینو پوښتنو او سوالونو ته ځوابونه هم وړاندې شول.
عملي زده کړې له محصلینو سره مرسته کوي ترڅو نوموړي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
