د غور او فاریاب ولایتونو له والیانو سره د مولوي غلام سعید احساس خبرې
ښاغلی غلام سعید احساس، د تخنیکي او مسلکي زده کړو ادارې، د تخنیکي او مسلکې چارو مرستیال، ولایتونو ته د خپل سفر په اوږدو کې له داملا محمد شعیب رسالت، د فاریاب له والي سره لیدنه او خبرې اترې وکړې.
همدارنګه په دغه لیدنه کې، داملا احمدشاه دین دوست د غور والي هم حضور درلود.
د تخنیکي او مسلکي چارو معاون د فاریاب او غور ولایتونو له مقاماتو سره په لیدنه کې د تخنیکي او مسلکې زده کړو ادارې د لاسته راوړنو او پروګرامونو په هکله خبرې وکړې.
نوموري د مجاهدینو د زده کړو طرحه تشریح کړه، ویې ویل چې د طرحې په پلي کېدلو سره مجاهدینو ته د زده کړو ترلاسه کولو فرصت برابریږي.
همدارنګه، د غور او فاریاب والیانو د تخنیکي او مسلکي زده کړو ادارې د لاسته راوړنو ستاینه وکړه. هغوی د دغه ادارې د پروګرامونو په پلي کولو کې د همکارۍ وعده وکړه.
