د غزني ولایت قره باغ کثیرالرشتوي انسټيټوټ کې د موټرسایکل ترميم روزنيز پروګرام پرانستل شو
د غزني ولایت د تخنیکي او مسلکي زده کړو آمریت مسوولین د یاد ولایت په قره باغ کثیرالرشتوي انسټيټوټ کې د موټرسایکل ترمیم لنډ مهاله حرفوي پروګرام د پیل خبر ورکوي.
د یاد پروګرام په افتتاحیه مراسمو کې د دې ولایت سیمه ییزو چارواکو، علماوو او ځوانانو هم برخه اخیستې وه.
په دغو مراسمو کې ويناوالو وويل چې حرفوي زده کړې د کار پیدا کولو او بې وزلۍ په راکمولو کې ډير ګټور دي او ځوانان بايد د یادو زده کړو په خپلولو کې زیاتې هلې ځلې وکړي.
حرفوي پروګرامونه د تخنيکي زده کړو ادارې له مهمو پروګرامونو څخه دي، چې اوس مهال په کې سلګونه زده کوونکي په زده کړو بوخت دي.
