د ساختماني چارو په اړه د خوست تخنیکي انسټيټوټ د محصلینو د عملي زده کړو بهیر
د خوست ولايت تخنيکي انسټيټوټ د ساختماني څانګې محصلينو ته د ساختماني چارو په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د ساختمان د کانکریټ حرارت درجې معلومولو او د ساختماني ځمکې د جریب کولو په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
د تخنيکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنيکي او مسلکي زده کړو د مرکزونو فارغان له فراغت وروسته په مستقيم ډول د کار بازار ته جزبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
