د خطاطۍ او رسامۍ سیالۍ لپاره د چمتوالي غونډه ترسره شوه
د خطاطۍ او رسامۍ سیالۍ ته د چمتووالي په موخه د تخنیکي او مسلکي زده کړو ادارې د مقام د دفتر رئیس استاد مطیع الله هدایت په مشرۍ غونډه ترسره شوه.
په دغې غونډه کې د سيالۍ د ترسره کیدو لپاره دکمیټو په تعین بحث وشو.
په غونډه کې پرېکړه وشوه، چې د ښکلو هنرونو او صنايعو انسټيټوټ آمر دې ژر تر ژره کمېټې جوړې او د سياليو د شفافيت په موخه دې د داورانو کمېټه هم وټاکي.
د تخنيکي او مسلکي زده کړو اداره په پام کې لري چې د اسلام د ستر پيغمبر (ﷺ) د ميلاد په مناسبت د خطاطۍ او رسامۍ سيالۍ په لاره واچوي.
