د تخنیکي او مسلکي مرستیال د خواجه سبزپوش کثیرالرشتوي لیسې وضعیت وڅېړه
د تخنیکي او مسلکي چارو مرستیال ښاغلي مولوي غلام سعید احساس د تخنیکي او مسلکي زده کړو ادارې د یوه پلاوي په مشرۍ د فاریاب ولایت د خواجه سبز پوش ولسوالۍ د کثیرالرشتوي لېسې له وضعیت څخه لیدنه وکړه.
نوموړي پلاوي د دغه ښوونیز مرکز ټول اداري اسناد هم وڅېړل.
تر دې وړاندې په فاریاب کې د تخنیکي او مسلکي زده کړو له یو شمېر نورو مرکزونو څخه هم د دغه پلاوي له خوا بررسې شوې دي په پام کې ده چې نوموړی پلاوي د تخنیکي او مسلکي زده کړو د مرکزونو د څېړنو په موخه نورو ولایتونو ته هم سفر وکړي.
د تخنیکي او مسلکي زده کړو ادارې د يلاوي له سفر څخه موخه د تخنیکي او مسلکي زده کړو د مرکزونو د وضعیت څیړل او د هغوی د اړتیاوو د حل کولو څرنګوالي معلومول دي.
