د تخنیکي او مسلکي زده کړو ملي ادارې او سلام پوهنتون ترمنځ د همکارۍ تفاهم لیک لاسلیک شو
د کابل ولایت د تخنیکي او مسلکي زده کړو آمر محترم استاد رفیع الله حبیبي د سلام پوهنتون سره د ګډو همکاریو تفاهم لیک لاسلیک کړ.
د دغه تفاهم لیک پر بنسټ به د کابل ولایت د تخنیکي او مسلکي زده کړو د مرکزونو فارغان د خپلو زده کړو د دوام لپاره په ځانګړي تخفیف سره سلام پوهنتون کې شامل شي.
په دغه تفاهم لیک کې همدا راز ویل شوي چې سلام پوهنتون د تخنیکي او مسلکي زده کړو مرکزونو د اداري کارکوونکو او استادانو لپاره د ظرفیت لوړونې پروګرامونه به هم ترسره کړي.
له بلې خوا د محصلینو لپاره د پرکتیکو دورو جوړول او د سلام پوهنتون له امکاناتو څخه د نوموړو ګټه اخیستنه هم د دې تفاهم لیک له موادو څخه دي.
