د تخنیکي او مسلکي زده کړو ملي ادارې او جامعة المصطفی پوهنتون ترمنځ د همکارۍ تفاهم لیک لاسلیک شو
د کابل ولایت د تخنیکي او مسلکي زده کړو آمر استاد رفیع الله حبیبي د جامعة المصطفی پوهنتون له مسولینو سره د همکارۍ تفاهم لیک لاسلیک کړ.
د یاد تفاهم لیک پر بنسټ به د کابل ولایت د تخنیکي او مسلکي زده کړو د انسټيټوټونو فارغان د خپلو لوړو زده کړو د دوام په موخه جامعةالمصطفی ته په ځانګړي تخفیف سره شامل شي.
په دې تفاهم لیک کې همداراز راغلي چې د تخنیکي او مسلکي زده کړو ملي ادارې کارکوونکي کولای شي په ځانګړي تخفیف سره د یاد پوهنتون په بیلابیلو پوهنځیو کې د ماسټري دوره کې شامل شي.
دا په داسې حال کې ده چې د کابل ولایت د تخنیکي او مسلکي زده کړو آمریت له دې وړاندې هم د یوشمیر نورو پوهنتونونو او د لوړو زده کړو له موسسو سره د ګډو همکاریو تفاهم لیکونه لاسلیک کړي دي.
