د تخنیکي او مسلکي زده کړو د یو ښوونیز مرکز زده کوونکو شاتیو مچیو له یو فارم څخه لیدنه وکړه
د کندز ولایت چهاردرې ولسوالۍ کثیرالرشتوي لیسې زده کوونکو ته د تخنیکي او مسلکي زده کړو ادارې د عملي زدهکړو په چوکاټ کې د یو علمي سفر په ترڅ کې د شاتو مچیو د پالنې په اړه په عملي ډول روزنه ورکړل شوه.
لارښود استاد په دې علمي سفر کې زده کوونکو ته د شاتو مچیو د ډولونو او د شاتو مچیو محصولاتو لکه «موم، ګرده او شاتو » په اړه هر اړخیز معلومات هم وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
