د تخنیکي او مسلکي زده کړو ادارې پلاوي لخوا د هلمند ولایت مرکز اړوند ادارې او حسابدارۍ انسټيټوټ له وضعیت څخه څارنه وشوه
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس په مشرۍ يوه پلاوى هلمند ولايت ته د خپل سفر په ترڅ کې د یاد ولايت د مرکز اړوند ادارې او حسابدارۍ له انسټيټوټ څخه ليدنه وکړه.
نوموړی پلاوي د هلمند ولایت د مرکز اړوند ادارې او حسابدارۍ انسټيټوټ له ټولو تحصیلي اسنادو او کاري چارو څخه څارنه وکړه.
په پام کې ده چې دغه پلاوی به د هلمند ولایت د تخنیکي او مسلکي زده کړو له ټولو مرکزونو څخه لیدنه وکړي او د یادو مرکزونو ستونزو او ننګونو ته رسیدګي وکړي.
تر دې وړاندې دغه پلاوي نیمرور، غور، دايکنډي، باميان او فراه ولايتونو ته سفرونه کړي او په یاد شويو ولايتونو کې يې د تخنيکي او مسلکي زده کړو د مرکزونو وضعيت څېړلى دى.
