د تخنیکي او مسلکي زده کړو ادارې پلاوي د تخار له مرستیال والي سره ناسته ترسره کړه
د تخنیکي او مسلکي زده کړو ادارې مالي او اداري مرستیال مفتي فضل الرحمن فاضل د یادې ادارې د یوه پلاوي په مشرۍ تخار ولایت ته د سفر په ترڅ کې د تخار ولایت له مرستیال والي ښآغلي مولوي خان محمد حقاني سره ناسته ترسره کړه.
په دې ناسته کې د تخار ولایت امنیه قوماندان او یو شمېر سیمه ییزو چارواکو هم ګډون درلود.
ښاغلي مفتي فاضل او د تخار ولایت مرستیال والي په دې لیدنه کې د تخار ولایت د تخنیکي او مسلکي زده کړو د مرکزونو اړوند په بېلابېلو موضوعاتو خبرې وکړې.
په ورته وخت کې د تخار ولایت مرستیال والي د تخنیکي او مسلکي زده کړو ملي ادارې وروستي فعالیتونه او لاسته راوړنې وستایلې او ژمنه یې وکړه چې په دغه ولایت کې د تخنیکي او مسلکي زده کړو د مرکزونو د ستونزو د هواري په برخه کې به د یاد ولایت د تخنیکی و مسلکي زده کړو آمریت له مسولینو سره همکاري وکړي.
