د تخنیکي او مسلکي زده کړو ادارې مالي او ادارې چارو معاونیت غونډه ترسره شوه
د تخنيکي او مسلکي زده کړو ادارې د مالي او اداري چارو معاونیت غونډه د دغه ادارې مالي او اداري چارو مرستيال مفتي فضل الرحمن فاضل په مشرۍ ترسره شوه.
په دغه ناسته کې چې یو شمېر رئیسانو او آمرینو هم حضور درلود، ښاغلي فاضل لومړۍ د تېرې مالي او اداري ناستې پر ځینو مسایلو او پرېکړو خبرې وکړې.
د اجنډا له مخې د ۱۴۰۲ مالي کال تدارکاتي پلان او د هغې پر تطبیق بحث وشو. د تدارکاتو آمر د قراردادې پروژو او پیرودلو په اړه خبرې وکړې.
دغه راز د بشري سرچینو رئيس د استادانو د خالي بستونو او د دغو بستونو لپاره د ازموينې د اخيستلو په اړه هم خبرې وکړې.
د غونډې برخه والو د پورتنیو موضوعاتو په اړه خپل نظرونه وړاندې کړل او لازم تصمیمونه ونیول شول.
