د تخنیکي او مسلکي زده کړو ادارې سرپرست کابل له والي سره وکتل
د تخنيکي او مسلکي زده کړو ادارې سرپرست مولوي غلام حيدر شهامت د کابل له والي شيخ محمد قاسم خالد سره وکتل او خبرې اترې یې ورسره وکړې.
په دغې ناسته کې د پوهنې رئیس او د کابل د ځمکو ریاست استازي هم حضور درلود.
په دغې کتنه کې ښاغلي مولوي شهامت په کابل ولایت کې د تخنیکي او مسلکي زده کړو د مرکزونو د ځمکو تثبیت په اړه خبرې وکړې او په دې اړه یې د پاملرنې غوښتنه وکړه.
د دغې غونډې په دوام کې د کابل والي د تخنيکي او مسلکي زده کړو ادارې سرپرست ته ډاډ ورکړ چې د کابل ولايت د تخنيکي او مسلکي زده کړو د مرکزونو ټولو ستونزو ته به پاملرنه وکړي.
ښاغلي محمد قاسم خالد د هېواد په اقتصادي وده کې د تخنیکي او مسلکي زده کړو ادارې رول مهم وباله او له دې ادارې سره یې د لا زیاتو همکاریو ډاډ ورکړ.