د تخنیکي او مسلکي زده کړو ادارې سرپرست د کانونو او پټرولیم وزارت له سرپرست سره وکتل

media_admin
چهارشنبه ۱۴۰۲/۱/۹ - ۱۳:۱۰
 وزارت معادن و پترولیم

د تخنيکي او مسلکي زده کړو ادارې سرپرست ښاغلي مولوي غلام حيدر شهامت د کانونو او پټروليم وزارت له سرپرست ښاغلي شيخ شهاب الدين دلاور سره وکتل.

 په دې کتنه کې د تخنیکي او مسلکي زده کړو ادارې او د کانونو او پټرولیم وزارت ترمنځ د همکارۍ او همغږۍ په اړه خبرې وشوې.

 ښاغلي شهامت د تخنیکي او مسلکي زده کړو ادارې برنامو ته په اشارې سره وویل، د کانونو او پټرولیم وزارت ته اړینه ده چې د مسلکي کسانو په برخه کې خپلې اړتیاوې شریکې کړي.

د تخنيکي او مسلکي زده کړو ادارې سرپرست زياته کړه، چې اوسمهال په درېيو ولايتونو بلخ، سرپل او جوزجان کې د نفتو او ګازو څانګې فعالې دي، چې څه باندې ٦٧٨ تنه زده کوونکي په کې په زده کړو بوخت دي.

دغه راز د کانونو او پټرولیم وزارت سرپرست د تخنیکي او مسلکي زده کړو ادترې له برنامو ملاتړ وکړ او له یادې ادارې سره یې د همکارۍ ډاډ ورکړ.

نوموړي وويل چې افغانستان د کانونو له پلوه بډاى دى او دغه کانونه بايد د افغانان مسلکي ځواک له خوا استخراج او پروسس شي.

 

د کانونو او پټرولیم وزارت سرپرست وویل، نړۍ به په راتلونکي کې د افغانستان خامو موادو ته اړتیا ولري.

 ښاغلي دلاوري زیاته کړه، کولای شو چې د هېواد د لیتیم کانونه د برښنايي موټرو د صنعت لپاره وکاروو.

 د تخنيکي او مسلکي زده کړو ادارې سرپرست د دغه ادارې د نوښت په مرکز کې جوړ شوي موټر ته په اشارې سره وويل، چې په راتلونکي کې به د برښنایې موټرو د توليد په برخه کې کار وشي.

تازه خبرونه

پنجشنبه ۱۴۰۳/۱۲/۲۳ - ۱۲:۹
Background image

د لغمان ولایت مرکز اړوند تخنیکي لېسې د زده کوونکو لخوا د عملي روزنو د زده کړې بهیر

د لغمان ولایت د مرکز اړوند تخنیکي او مسلکي لېسې د بریښنا څانګې یوولسم ټولګي زده کونکو د « ټرانسفارمر» په اړه په عملي ډول روزنه ترلاسه کړه. لارښود استاد د درس په ترڅ کې، نوموړو ته د «. . .

پنجشنبه ۱۴۰۳/۱۲/۲۳ - ۹:۵۳
Background image

د خوست میخانیکي انسټیټوټ کې د درې میاشتني لنډمهاله حرفوي پروګرام تدریسي بهیر دوام لري

د سولر سیسټم لنډمهاله حرفوي روزنیز پروګرام، چې څه موده وړاندې د خوست ولایت د تخنیکي او مسلکي زده کړو آمریت لخوا د یاد ولایت په میخانیکي انسټیټوټ کې په لاره اچول شوی وو، دوام لري. د خوست. . .

چهارشنبه ۱۴۰۳/۱۲/۲۲ - ۱۲:۱۷
Background image

د میدان وردگ ولایت اړوند په چک کثیرالرشتوي انسټيټوټ کې درې میاشتني لنډ مهاله حرفوي روزنیز پروګرام پای ته ورسید

د میدان وردگ ولایت اړوند په چک کثیرالرشتوي انسټيټوټ کې درې میاشتنی لنډ مهاله روزنیز پروګرام چې د یاد ښوونیز مرکز لخوا د ۲۲۰ تنه زده کوونکو لپاره پیل شوی و، پای ته ورسید. د یاد ښوونیز. . .

BACK TO NEWS