د تخنیکي او مسلکي زده کړو ادارې د کارکوونکو د انګلیسي ژبې د زده کړې پروګرام پای ته ورسید
د انګلیسي ژبې روزنیز پروګرام چې څه موده وړاندې د تخنیکي او مسلکی زده کړو ادارې د کارکوونکو د ظرفیت لوړولو په موخه د یادې ادارې د کارکوونکو لپاره د کارکوونکو چارو ریاست له خوا په لاره اچول شوی و، پای ته ورسید.
په دې پروګرام کې د تخنیکي او مسلکي زده کړو ادارې ۲۰ تنو کارکوونکو برخه اخیستې وه او د یوې میاشتې لپاره د یې انګلیسي ژبې په برخه کې روزنه ولیده.
د غونډې ګډونوالو هم دا ډول پروګرامونه د کارکوونکو د ظرفيتونو په لوړولو کې مهم وګڼل او له مسوولينو يې وغوښتل، چې دغه پروګرام ته دوام ورکړي.
د تخنیکي او مسلکي زده کړو ادارې د کارکوونکو چارو ریاست مسئوولینو وویل، چې د دغه پروګرام له ترسره کولو یې موخه د ژبو په برخه کې د کارکوونکو د پوهاوي د کچې لوړول دي او د دغه پروګرام ګډونوال د ستاینلیکونو په ورکولو سره وستایل شول.
