د تخنیکي او مسلکي زده کړو ادارې د مالي او اداري چارو مرستیال بدخشان ولایت ته سفر وکړ
د تخنيکي او مسلکي زده کړو ادارې د مالي او اداري چارو مرستيال محترم مفتي فضل الرحمن فاضل د یادې ادارې د يوه پلاوي په مشرۍ بدخشان ولايت ته سفر وکړ.
نوموړي په بدخشان ولایت کې د یاد ولایت د تخنیکي او مسلکي زده کړو له آمرینو سره ناسته ترسره کړه.
ښاغلي مفتي فاضل د تخنیکي او مسلکي زده کړو د مرکزونو له آمرینو سره په کتنه کې وویل، بدخشان ولایت ته د دوی د سفر موخه د تخنیکي او مسلکي زده کړو د مرکزونو د اړتیاوو او ستونزو حلول دي.
په همدې حال کې د تخنیکي او مسلکي زده کړو د مرکزونو آمرینو خپلې ستونزې او اړتیاوې د تخنیکي او مسلکي زده کړو ادارې له پلاوي سره شریکې کړې.
