د تخنیکي او مسلکي زده کړو ادارې د رئیسانو د ارزونې پروګرام پیل شو
د چارو ادارې اړوند د اداري اصلاحاتو او ملکي خدماتو ادارې کارپوهانو، د تخنیکي او مسلکي چارو مرستیال مولوي غلام سعید احساس په حضور کې، د تخنیکي او مسلکي زده کړو ادارې د بیلابیلو څانګو د رئیسانو د ارزونې پروسه پیل کړه.
د ارزونې پروګرام په لومړۍ ورځ، د ترنم او فرهنګ او تضمین کیفیت ریاستونو له کاري اجراآتو څخه ارزونه وشوه.
د چارو ادارې اړوند د اداري اصلاحاتو او ملکي خدماتو ادارې کارپوهانو د رئیسانو پلانونه او راپورونه څخه له نږدې څارنه وکړه او د پلان سره سم د چارو او فعالیتونو د ښه تطبیق په موخه یې نوموړو ته اړینې مشورې هم ورکړې.
په ورته وخت کې، د تخنیکي او مسلکي چارو مرستیال د اداري اصلاحاتو او ملکي خدماتو ادارې لخوا د رئیسانو د ارزونې پروسې هرکلی وکړ او زیاته یې کړه چې د تخنیکي او مسلکي زده کړو اداره د ټولو اصولو رعایت کولو ته ژمن ده.
