د تخنیکي او مسلکي زده کړو ادارې د رئیسانو او آمرینو لپاره ښوونیز سیمینار وړاندې شو
د "کارا" موسسې د تخنیکي او مسلکي زده کړو ادارې د یو شمیر رئیسانو او آمرینو لپاره روزنیز سیمینار جوړ کړ.
په دې پروګرام کې چې د تخنیکي او مسلکي زده کړو د ادارې ۱۷ رئیسانو او آمرینو په کې برخه اخیستې وه، د ارتباطاتو په اړه معلومات وړاندې شول.
د دغه پروګرام په پيل کې سيد مرشد شمسي د کارا موسسې د موخو او برنامو په اړه توضيحات ورکړل او ويې ويل چې دغه موسسه په بېلابېلو اقتصادي برخو کې فعالیت لري.
د دې پروګرام په دوام کې، د ارتباطاتو په برخه کې د تجربو شریکولو سربیره؛ ماسټر ټرینرانو ګډون کوونکو ته د ارتباطاتو د ډولونو په اړه توضیحات ورکړل.
دا پروګرام ګډون کوونکو ته د سندونو په ورکولو سره پای ته ورسید.
