د تخنیکي او مسلکي زده کړو ادارې د تخنیکي او مسلکي چارو معاونیت د همغږۍ ناسته ترسره شوه
د تخنیکي او مسلکي زده کړو ادارې د تخنیکي او مسلکي چارو معاونیت د اړوندو ریاستونو سره د همغږۍ ناسته د تخنیکي او مسلکي چارو مرستیال محترم مولوي غلام سعید احساس په مشرۍ ترسره شوه.
په دې غونډه کې، د حرفوي زده کړو د تنظیم ریاست خپل عمده او اساسي فعالیتونه ګډونوالو ته تشریح کړل چې اوس مهال د هیواد په ۳۴ ولایتونو کې زده کوونکو ته د حرفوي زده کړو بېلابیل پروګرامونه په لاره اچولي دي او نوموړي په خپلو زده کړو بوخت دي.
د ناستې په دوام کې ګډونوالو خپل نظریات او وړاندیزونه وړاندې کړل.
د غونډې په پای کې د تخنیکي او مسلکي چارو مرستیال ښاغلي مولوي احساس د حرفوي زده کړو ارزښت ته په اشارې سره وویل؛ چې حرفوي زده کړې د هېوادوالو په اقتصادي وده کې مهم رول لري نوموړي دغه راز ټینګار وکړ چې د حرفوي زده کړو په برخه کې باید لازمي پاملرنه وشي ترڅو هېوادوال له فقر او بېوزلۍ څخه خلاص شي.
