د تخنیکي او مسلکي زده کړو ادارې د احصایې او معلوماتي سیسټمونو د پراختیا پروژې د پیل په اړه خبرې اترې وشوې
د تخنیکي او مسلکي زده کړو ادارې د پلان او ستراتیژیکې همغږۍ رئیس مولوي نیک محمد نیکمل د ملګرو ملتونو د علمي، تعلیمي او فرهنګي ادارې (یونسکو) له کارکوونکو سره وکتل.
په دغه لیدنه کې د تخنیکي او مسلکي زده کړو ادارې د احصایې او معلوماتي سیستم (ام آی اس) پراختیایي پروژې د پیل په اړه خبرې وشوې.
په دغې غونډه کې هغه قراردادي شرکت هم معرفي شو چې د دغې پروژې چارې پرمخ وړي او ټاکل شوې چې دغه شرکت به ډېر ژر خپل کار پیل کړي.
ښاغلي نیکمل د یونسکو سازمان څخه مننه وکړه او د پروژې په تطبیق کې یې له قراردادي شرکت سره د همکارۍ ډاډ ورکړ.
