د تخنیکي او مسلکي زده کړو ادارې اړوند ښوونیز مرکز د زدهکړیالانو د عملي زده کړو بهیر
د سرپل ولایت تخنیکي او مسلکي لیسې د برق څانګې زدهکړیالانو د تخنیکي او مسلکي زدهکړو ادارې د عملي زده کړو په چوکاټ کې په یاد ولایت کې د جوړیدونکې ودانۍ څخه د لیدنې په ترڅ کې په عملي بڼه روزنه ترلاسه کړه.
لارښود استاد د دې علمي سفر په ترڅ کې، محصلینو ته د ساختمان ویرینګ کولو د څرنګوالي په اړه مفصل توضیحات وړاندې کړل او د نوموړو پوښتنو ته یې هم ځوابونه ورکړل.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
