د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اونیزه اصلاحي غونډه د دغه ادارې مالي او حسابي رئیس مولوي نیاز محمد مختار د وینا په ترڅ کې د کارکوونکو په حضور کې ترسره شوه.
ښاغلي مختار په خپلو خبرو کې د ژوند پر څو اړخونو خبرې وکړې.
نوموړي د ټولنيز ژوند پر اهميت د ټينګار ترڅنګ وويل، چې په ټولنه کې له يو بل سره همکاري مهمه ده.
مولوي نیاز محمد مختار د تخنیکي او مسلکي زده کړو ادارې له کارکوونکو وغوښتل چې له یو بل سره همکاري وکړي، ځکه د کار برکت په همکارۍ کې دی.
غونډه د خیر په دعا ویلو سره پای ته ورسیده.
