د تخنيکي او مسلکي زده کړو په مرکزونو کې د مجاهدينو د لومړي سمستر آزموينې پيل شوې
د یو شمیر ولایتونو د تخنیکي او مسلکي آمریتونو مسوولین د مجاهدینو د ادارې او مدیریت پروګرام د لومړي سمستر د ازموینې د پیل خبر ورکوي.
په همدې حال کې په پروان ولایت کې د ادارې او مدیریت په روزنیز پروګرام کې د مجاهدینو د لومړي سمستر ازموینه پیل شوې چې تر ۳۰۰ تنو زیاتو مجاهدینو په کې ګډون کړی دی.
د پروان ولایت تخنيکي او مسلکي آمر وايي، چې د لومړي سمستر د ازموينې له پای ته رسېدو وروسته به مجاهدين په دويم سمستر کې شامل شي، ترڅو خپلو زده کړو ته دوام ورکړي.
د تخنيکي او مسلکي زده کړو ادارې له دې وړاندې په ټول هېواد کې د مجاهدينو لپاره د ادارې او مديريت روزنيز پروګرام په لاره اچولی و او دا پروګرام د هغو مجاهدينو په ملاتړ چې له خپلو زده کړو څخه لرې پاتې و دوام لري .
