د تخنيکي او مسلکي زده کړو ادارې سرپرست استاد جبرائيل عمر سره وکتل
د تخنيکي او مسلکي زده کړو ادارې سرپرست مولوي غلام حيدر شهامت د پوهنتون له استاد اسټراليايي تبعه جبرائيل عمر سره چې د اسلام په سپېڅلي دين باندې مشرف شوی، وکتل او خبرې اترې يې ورسره وکړې.
د تخنيکي او مسلکي زده کړو ادراې سرپرست ښاغلي جبرائيل عمر ته ښه راغلاست ووايه او زياته يې کړه چې له خپل ديني ورور سره په ليدنه خوښ يم.
ښاغلي شهامت جبرائیل عمر په اسلام باندې مشرف کیدو ته په اشارې سره وویل چې د اسلام سپیڅلی دین هیڅ پوله نه لري.
ورپسې جبرائیل عمر د تخنیکي او مسلکي زده کړو د نظام پراختیا په برخه کې د هر ډول همکارۍ ژمنه وکړه.
د همکاریو له جملې څخه یې، زیاته کړه چې د TOEFL ازموینې برخه کې د خپلې علمي تجربې له مخې به له هغو زده کوونکو سره هر اړخیزه همکاري وکړي چې د بورسونو لپاره بهر ته ځي.
