د بلخ ولايت تخنيکي آمر د دغه ولايت د اقتصاد له رئيس سره وکتل
دبلخ ولايت د تخنيکي او مسلکي زده کړو آمر ښاغلي مولوي نورالله صلاح الدين اميني د یاد ولايت داقتصاد له رئيس ښاغلي مولوي عبدالشکور جواد سره وکتل او خبرې اترې يې وکړې .
په دغه کتنه کې د بلخ د نفت او ګازو د انسټیټوټ آمر ښاغلي استاد لعل محمد توخي هم حضور درلود.
په دغه ناسته کې د بلخ ولایت تخنیکي آمر د تخنيکي او مسلکي زده کړو د ارزښت په اړه خبرې وکړې او ويې ويل چې د تخنيکي زده کړو ملاتړ په ټولنه کې د اقتصاد د ودې لامل کېږي.
په ورته وخت کې د بلخ د اقتصاد رئيس وويل: دواړه نهادونه د هېواد د پراختیا او پرمختګ لپاره ګډې موخې لري.
ښاغلي جواد ژمنه وکړه، چې دوی به په دغه ولایت کې د تخنیکي او مسلکي زده کړو له ټولو برنامو ملاتړ کوي.
