د بلخ د ځانګړو زده کړو مسلکي لېسې وضعیت وڅېړل شو
د تخنيکي او مسلکي زده کړو ادارې سرپرست مولوي غلام حيدر شهامت د بلخ ولايت د ځانګړو زده کړو لېسې وضعيت وڅيړل شو.
ښاغلي مولوي شهامت د ځانګړو زده کړو مسلکي لېسې څخه لیدنه وکړه او د دغې لېسې د استادانو او زده کوونکو ستونزې او اړتیاوې یې له نږدې وکتلې.
د څښاک د پاکو اوبو نشتوالی، د تدریسي ودانۍ او د بریل خط نصاب کموالی د ځانګړو زده کړو په مسلکي لېسه کې له لویو ستونزو څخه بلل کېږي.
د تخنيکي او مسلکي زده کړو ادارې سرپرست د بلخ د ځانګړو زده کړو مسلکي لېسې د اړتياوو او ننګونو د حل ژمنه وکړه ترڅنګ نوموړي د یو شمېر مسایلو په اړه مسئولینو ته لازمې لارښوونې هم وړاندې کړې.
