د برښنا بندونو څخه د اوبو او انرژۍ انسټیټوټ محصلینو علمي سیر
د عامه برښنا د اوبو او انرژۍ انسټیټوټ د عمومي برښنا څانګې محصلينو د برښنا بندونو د ليدنې په موخه ماهيپر او نغلو ته سفر وکړ.
دوی د دغه علمي سیر په ترڅ کې، هغه د برښنایي دستګاوو، ټرانسفرمرونو او برښنایی وسایلو څخه لیدنه وکړه او ځینې مهارتونه یې زده کړل.
د دغه علمي سیر ترسره کیدو څخه یې موخه د برښنا بند د تجهیزاتو او وسایلو سره آشنا کول دي.
د اوبو او انرژۍ انستیتوت په ګډون د تخنیکي او مسلکي زده کړو په مرکزونو کې تر ۶۰ سلنې زده کړې عملي دي.
تر دې وړاندې هم د انرژۍ او اوبو د انسټیټوټ د برښنا څانګې محصلینو په هېواد کې د برښنا له یو شمېر بندونو څخه لیدنه کړې ده.
