د تخنیکي او مسلکي چارو مرستیال د کوچنیو پورونو بانک «FMFB» له مسؤولینو سره وکتل
د تخنیکي او مسلکي زدهکړو ادارې مرستیال او سرپرست، محترم مولوي غلام سعید احساس، د کوچنیو پورونو بانک «FMFB» له مسؤولینو سره په یوه ناسته کې وکتل او د متشبثینو د ملاتړ، د نوښتګرو پروژو د تمویل، د کارموندنې او کارزدهکړې د فرصتونو د رامنځته کولو او د ظرفیت لوړونې په برخو کې یې د ګډو همکاریو پر پراختیا بحث او د نظرونو تبادله وکړه.
په همدې حال کې، د تخنیکي او مسلکي چارو مرستیال د اسلامي عقودو پر بنسټ د کوچنیو پورونو د برابرولو، د نوښتګرو او کارآفرینانه پروژو د مالي ملاتړ، فارغانو ته د کارموندنې او کارزدهکړې د فرصتونو د رامنځته کولو او د ظرفیت لوړونې د ګډو پروګرامونو پر جوړولو کې د یاد بانک پر همکارۍ ټینګار وکړ.
همدارنګه، په دې ناسته کې هوکړه وشوه، چې د تخنیکي او مسلکي زدهکړو ادارې نوښتګرې طرحې او پروژې به د تمویل د امکاناتو د ارزونې لپاره له بانک سره شریکې شي او د دواړو لورو ترمنځ به د همکارۍ هوکړهلیک ترتیب او لاسلیک شي.
د یادونې وړ ده، چې دغه همکاري د کارآفرینۍ د پیاوړتیا، د نوښتګرو طرحو د ملاتړ، د خپلواک کار د پراختیا او فارغانو ته د کاري فرصتونو د رامنځته کولو په برخه کې اغېزمنه تمامېدای شي.
