د تخنیکي او مسلکي زدهکړو د ولایتي مسؤلینو سیمینار پای ته ورسېد
د تخنیکي او مسلکي زدهکړو د زونونو رئیسانو او ولایتي آمریتونو پنځه ورځنی روزنیز سیمینار پای ته ورسېد.
د دې پروګرام په پای غونډه کې د تخنیکي او مسلکي زدهکړو ادارې محترمو مرستیالانو ګډون او ویناوې وکړې.
د تخنیکي او مسلکي چارو مرستیال مولوي غلام سعید احساس د خپلو خبرو پر مهال د تخنیکي او مسلکي زدهکړو ولایتي آمرینو او زونونو رئیسانو ته ټینګار وکړ چې د زدهکړو کیفیت ته ځانګړې پاملرنه وکړي.
نوموړي همدارنګه وویل چې په اسلامي نظام کې د مسؤلیت ترسره کول د الله تعالی په نزد عبادت ګڼل کېږي او باید په سمه توګه ترسره شي.
محترم مولوي احساس د تخنیکي او مسلکي زدهکړو مرکزونو ستونزو او اړتیاوو ته د رسیدګۍ ډاډ هم ورکړ.
بل لور ته د مالي او اداري چارو مرستیال مفتی فضلالرحمن فاضل د ټولنې پرمختګ او ځانبسیاینې په برخه کې د تخنیکي او مسلکي زدهکړو ادارې رول مهم وباله.
هغه ټینګار وکړ چې د سیمینار ګډونوال باید خپلې زده کړې په عملي ډول تطبیق کړي او د چارو ښهوالي لپاره ترې ګټه واخلي.
په دې پای غونډه کې نور اړوند موضوعات هم مطرح شول او پروګرام ګډونوالو ته د تصدیقپاڼو په ورکولو سره پای ته ورسېد.
