د لغمان ولایت اړوند مرکز کثیرالرشتوي انسټيټوټ کې د عملي زدهکړو بهیر
د تخنیکي او مسلکي زده کړو اداره د یادې ادارې په ښوونیزو مرکزونو کې عملي زده کړې په لاره اچوي ترڅو له دې لارې د ځوانانو د پیاوړتیا او د کار بازار ته د هغوی د ننوتلو زمینه برابره کړي.
د عملي زده کړو د ارزښت په پام کې نیولو سره، د لغمان ولایت د مرکز کثیرالرشتوي انسټيټوټ د تعمیراتو څانګې محصلینو د یاد ولایت شرقي شهرنو ته د یو علمي سفر په ترڅ کې د تعمیراتو ابتدایي سروې په اړه په عملي ډول روزنه ترلاسه کړه.
دغه راز لارښود استاد هم محصلینو ته د تعمیراتو په اړه هراړخیز توضیحات وړاندې کړل نوموړي وویل؛ ابتدايي سروې یوه ساختماني او تعمیراتي پروژه ده چې د ودانیو د دقیقې برنامه رېزۍ او طراحي لپاره ترسره کیږي.
د یادونې وړ ده چې د تخنیکي او مسلکي زده کړو په مرکزونو کې پر مهارتمحوره او عملي زده کړو ډیر تمرکز ترسره کېږي، تر څو زدهکوونکي وکولای شي مستقیماً د کار بازار ته جذب شي او د هېواد په اقتصادي وده کې مثبت رول ولوبوي.
