د تخنیکي او مسلکي زده کړو ادارې کارکوونکو ته د ډریوری کورس جوړ شو
مولوي محمد مصطفی محمدي، د تخنیکي او مسلکي زده کړو ادارې، د پلان او ستراتیژیکو همغږیو ریاست، د همغږی مسؤل د پولیس ترافیکو له عمومي رئیس پاسوال حسیب الله مختار سره لیدنه او خبرې اترې وکړې.
په دغه لیدنه کې دواړو لورو د تخنیکي او مسلکي زده کړو ادارې د کارکوونکو لپاره د ډریورۍ کورس د پیلولو په هکله خبرې اترې وکړې.
له دې وړاندې د پولیس ترافیکو عمومي رئیس د تخنیکي او مسلکي زده کړو ادارې له سرپرست سره د دغه ادارې کارکوونکو ته د ډریوری کورس جوړولو په هکله وعده کړې وه، په پلان کې ده چې دغه پروګرام رسما پیل شي.
د تخنیکي او مسلکي زده کړو ادارې مشرتابه، خپلو کارکوونکو ته د لازمو آسانتیاو په برابرولو کې هلې ځلې کوي.
